Hugvekja frá Freydísi í aðdraganda kosninga

Hugvekja frá Freydísi Önnu Ingvarsdóttur

Ég vil hlusta á ykkur og vinna með ykkur að raunhæfum lausnum sem nýtast öllum íbúum sveitarfélagsins og þjappa okkur saman í eitt sterkt og gott samfélag sama hvar í sveitarfélaginu við búum. Þegar við setjumst niður við eldhúsborðið heima hjá okkur verðum við að vanda okkur hvernig við tölum um samfélag og sveitarfélagið okkar. Sveitarstjórn getur sameinað sveitarfélag en við þurfum að vinna að því að sameina samfélagið.

Við verðum að fara að hætta að hugsa um gömlu hreppana í sveitarfélaginu, það skiptir ekki máli hvar við búum. Við erum eitt samfélag….

Freydís Anna býr í Miðhvammi í Aðaldal ásamt eiginmanni sínum Ara. Þau eiga saman 5 börn og bráðum 2 barnabörn. Þau erum kúabændur, ferðaþjónustubændur og grænmetisbændur. Svo utan búss starfar hún sem Sjúkraflutningamaður hjá HSN á Húsavík og Ari starfar utan búss sem Yfirþjálfari meistaraflokks UFA í frjálsum íþróttum.