Sköpum sterka framtíð saman, sem ein heild!

L-Listi Framfara

att.m1HR8LoAZz3b46XPae-_GVXIwriNaFwh7UuDeEKciIc.jpg

Horfum til framtíðar og setjum fjölskyldur í forgang

“Fjölskyldufólk og börn eru okkar dýrmætasta auðlind. Samfélagið á að gera það sem hægt er til að hlúa vel að fjölskyldum og leita lausna til að gera barnafólki kleift að búa um allt sveitarfélagið. “ - Anton Freyr Birgisson

Nánar

Okkar fremsta fólk hefur hagsmuni samfélagsins og framtíð þess í fyrirrúmi

1. Hallgrímur Páll Leifsson

"Ég hef alltaf haft mikinn áhuga á sveitarstjórnarmálum. Síðasta kjörtímabil sat ég í atvinnumála og nýsköpunarnefnd auk þess sem ég var varamaður í skipulagsnefnd. Mér finnst gaman að geta gert samfélaginu til gagns og hef trú á að ég hafi nokkuð til málana að leggja. Ég sé fyrir mér aukin atvinnutækifæri bæði tengd núverandi atvinnuvegum auk þess sem nýsköpun mun færa okkur aukin tækifæri. Með aukinni atvinnu sé ég fyrir mér aukinn íbúafjölda sem mun styrkja samfélagið hvort sem litið er til sveitarfélagsins eða samfélagsins alls."

2. Freydís Anna Ingvarsdóttir

"Stærstu sigrarnir byrja oft með litlu hugrökku skrefi.."

3. Snæþór Haukur Sveinbjörnsson

"Ég bauð mig fram vegna þess að hér ætla ég að búa og ala upp börnin mín. Ég hef áhuga á sveitarstjórnarmálum og vil leggja mitt af mörkum til samfélagsins. Með sterku atvinnulífi getum við haldið úti öflugu sveitarfélagi með góðri þjónustu fyrir alla íbúa þess. Skólamál, íþrótta og tómstundamál standa mér einnig nærri. Það er ómetanlegt að búa í litlu og samheldnu samfélagi þar sem fólk er boðið og búið að hjálpa náunganum."

Stefnumál

L-Listi framfara er nýtt, borgaralegt framboð sem samanstendur af öflugum og reynslumiklum einstaklingum úr samfélaginu sem vilja leggja hönd á plóg. Markmið listans er að efla Þingeyjarsveit til framtíðar með aukinni atvinnuuppbyggingu, fjölgun íbúa, sérstaklega barnafjölskyldna og sterkari innviðum.

Við trúum á tækifærin, samstöðuna og kraftinn í fólkinu og viljum byggja upp enn sterkara samfélag fyrir alla íbúa Þingeyjarsveitar.

Fjölgun íbúa og húsnæðismál

Við viljum móta stefnu um og skipuleggja framtíðar uppbyggingu þéttbýlis í sveitarfélaginu. Skapa hagstæðari skilyrði til nýbygginga hvort heldur sem er í þéttbýli eða dreifbýli.

Ábyrg stjórnsýsla

Sterk og stöðug stjórnsýsla, með öflugan sveitarstjóra í fararbroddi og ábyrga meðferð fjármála.

Nýting og vernd náttúru

„Verndum til að njóta.“ Göngum af virðingu um náttúruna og tryggjum íbúum aðgengi að henni.

Atvinnuuppbygging og fleiri störf

Við viljum auka framboð atvinnu- og þjónustulóða, styðja við nýsköpun, efla lykilgreinar og störf án staðsetningar. Ætlum að taka jákvætt í hugmyndir íbúa um atvinnuuppbyggingu.

Kynntu þér málin nánar